Google ADS

Krasniqi: Kosova dhe Danimarka kanë një histori tejet të mirë të partneritetit të ndërsjellë

20:23 | 26 Shtator 2024
E.G

Kryetari i Partisë Demokratike të Kosovës (PDK), Memli Krasniqi, ka pritur në selinë e partisë ministrin e Drejtësisë së Danimarkës, Peter Hummelgaard.

Me anë të një postimi në Facebook, Krasniqi tha se Kosova dhe Danimarka kanë një histori tejet të mirë të partneritetit të ndërsjellë.

“Përveç bashkëpunimit në fushën e drejtësisë, përmes Traktatit Kosovë- Danimarkë, i cili parasheh shfrytëzimin e institucionit korrektues në Gjilan me qëllim të ekzekutimit të dënimeve daneze, të dy vendet tona duhet të thellojnë bashkëpunimin përmes marrëveshjeve bilaterale edhe në fushën e zhvillimit ekonomik, arsimit dhe shëndetësisë”, ka shkruar ai,

Tutje theksoi se Kosova do t’i jetë përherë mirënjohëse Danimarkës për kontributin domethënës në të gjitha etapat e shtet ndërtimit.

“Ministrin Hummelgaard e falënderova për vizitën dhe mbështetjen e tij e të Danimarkës për vendin tonë”, shkroi Krasniqi./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm